O grupo de Goberno do Concello da Coruña, en resposta a unha demanda veciñal, levará a Pleno o próximo luns unha moción pola que insta á Xunta de Galicia e ao Estado a tomar medidas, no marco das súas competencias, para restablecer e garantir unha adecuada convivencia nun bloque de vivendas da rúa Ribeira Sacra, en Novo Mesoiro. En concreto, o Goberno local expón que dende hai anos, esta zona da cidade acarrexa unha problemática de carácter habitacional nuns inmobles propiedade do Instituto Galego de Vivenda e Solo (IGVS), dependente da Xunta de Galicia. En concreto, os pisos nesta situación atópanse en catro portais distintos.

Segundo relata a moción, plantexada en atención ás demandas da cidadanía da zona, o pasado 15 de decembro, “a Asociación Veciñal de Novo Mesoiro convocou a unha xuntanza a todas as partes involucradas, para tratar as problemáticas de convivencia que veñen xurdindo no edificio Ribeira Sacra, co obxectivo de buscar unha saída conxunta á situación”. Á xuntanza foron convocados Xunta de Galicia e Concello da Coruña, ademais de membros do departamento de Seguridade Cidadá, propietarios, administradora de fincas e asociación veciñal. Á cita acudiron representantes de todas estas entidades, agás da Administración autonómica. Na mesma, acordouse crear unha comisión de seguimento que se reunirá periodicamente e coa que se tratará de buscar unha solución á problemática existente.

O Goberno local sostén, en base ás conversas mantidas coa veciñanza da zona, que é imprescindible que esta situación sexa abordada por todas as administracións con competencias na materia. “Por iso, é indispensable o traballo coordinado das concellerías de Rexeneración Urbana, Xustiza Social e Participación e Innovación Democrática, así como do departamento de Seguridade Cidadá do Concello, a Subdelegación do Goberno (dependente do Ministerio de Interior) e a Xunta de Galicia.

Así, o Concello da Coruña mantén que tanto Estado como Xunta deben adoptar as medidas necesarias para restablecer a adecuada convivencia da cidadanía desta zona, e que tanto a administración local como a Subdelegación de Goberno deben participar na comisión constituída con tal obxectivo.

Do mesmo xeito, o Concello demanda á Xunta de Galicia e, en concreto, ao IGVS, a cesión das vivendas de protección oficial situadas na rúa Ribeira Sacra ao Concello no caso de que no prazo de dous meses non se cumpran as premisas anteriores: que administración local e Estado non asuman as súas competencias e non entren a formar parte da comisión de seguimento constituída a petición da veciñanza.

O Goberno local recorda o artigo 24 do decreto 253/2007 do réxime xurídico do IGVS que determina o réxime de cesión de vivendas para fins de interese público ou social, incluíndo en dito réxime a ocupación temporal de vivendas de protección oficial de promoción pública propiedade do IGVS a favor do Concello, “para ser destinadas a vivenda transitoria de determinados colectivos con necesidades especiais ou outras finalidades de interese público ou social”.

3 Respuestas a “O grupo de Goberno leva a Pleno unha moción na que insta a Xunta e Estado a adoptar medidas para solucionar a problemática habitacional nun edificio de Novo Mesoiro”
  1. avatar Ribeirasacrense dice:

    Pero que narices una moción. A la justicia con los delincuentes que destrozan las viviendas o las okupan.
    Lo dije con el anterior gobierno y lo dire con el actual, el Ayuntamiento aqui no pinta nada, ni Negreira ni Ferreiro, todo lo que hacen es llenar prensa y nada mas.
    La única solución es que la policia y los jueces actúen.
    El resto de unos y de otros son brindis al sol.

  2. avatar Victor dice:

    Opino lo mismo, pero entiendo que los que la que tiene que denunciar es la Xunta que es la que gestiona los pisos, por eso la moción, pero es un problema que viene de años y no avanza… 🙁

  3. avatar Ribeirasacrense dice:

    Perdón las horas pero hablando con un amigo del tema recordamos un par de sentencias que salieron en la televisión y encontre esto

    http://www.consumer.es/web/es/vivienda/comunidades_vecinos_y_legislacion/2007/11/27/172285.php

    Con aquella reforma de la Ley de Propiedad Horizontal los vecinos pueden denunciar a los inquilinos molestos ante el juzgado o ante la policia, ya sean propietarios o alquilados los realizan los desperfectos y seran hasta expulsados del domicilio.

    En su día lo hable con alguien del PP que fue a ver a la comunidad de vecinos y me dijo que fue lo que les recomendo, y alguien del Psoe del Barrio me dijo lo mismo, que era la opción más lógica pero que existia un problema, que la gente quisiera denunciar, que es el problema con el que se encontraban.

    Y sino, que denuncie la Xunta, pero el Ayuntamiento ni con Negreira ni con Ferreiro van a poder hacer nada porque no tienen competencias. Lo único que se le agradece a Ferreiro es que lo intente, aunque sea un brindis al sol, porque sabe que no puede hacer nada de nada.

  4.